Los Reis Magos nun yeren a quitar la sonrisa de la cara nel so primer alcuentru colos neños y neñes de Xixón, qu’amosaron la so solidaridá nes sos cartes, como pudo confirmar Melchor a la so llegada a El Muelle
Pudieron portase bien o menos bien, pero los Reis Magos nun van a escaecer nunca les amueses de solidaridá qu’atoparon de la reciella xixonesa nes cartes unviaes esti añu. «Los neños pidiéronnos especialmente que tengamos un recuerdu pa colos neños y mayores d’eses tremendes enllenes qu’hebo nel sur de España, noticies que tamién llegaron a los nuesos reinos d’Oriente», apuntó en castellanu Melchor.
La so máxica maxestá aseguró darréu que «pueden tar seguros de qu’asina lo vamos facer, ensin dulda nenguna». Gaspar tamién quixo rescamplar la solidaridá de les neñes y neños de Xixón, mientres que Baltasar animó a la mocedá a incluyir más llibros ente los sos deseos.
PUBLICIDAD
