Nacida en Lima nel 1969 y afincada en París, va aprovechar estes selmanes nel apartamentu asitiáu en L’Arena p’avanzar colos sos proyeutos lliterarios; tamién va participar en delles actividaes con escritores asturianos
Esti mes d’agostu la Residencia Lliteraria Xixón acueye la estancia de la escritora peruana María Esther Alarcón-Nebout, que ta acabante d’asoleyar una compilación de rellatos baxo’l títulu ‘Partise en dos’ que narren una esperiencia vital qu’escasamente se ceunta en femenín: la migración. Residente en París, va aprovechar los dos díes nel apartamentu qu’aporta Inaciu Galán a esta iniciativa p’avanzar colos so proyeutos lliterarios.
Diplomada en publicidá pel Instituto Peruano de Publicidad y máster en Ciencies Polítiques na Universidá de la Sorbona de París, esta limeña dedícase a la so gran pasión, la lliteratura, llueu de quince años trabayando na industria de la moda. En Xixón, amás de poder centrase na creación, va tener la oportunidá de conocer a autores asturianos y tener contautu cola llingua asturiana.
