«Seis meses dempués de comprometese a iguar la cartelería, los caxetinos de les cámares de la zona rural caltienen la toponimia deturpada», espresa la organización que trabaya na normalización del asturianu; éstes muestren únicamente’l nome ‘Gijón’
Venti años después de que s’aprobara la toponimia tradicional de Xixón como la única oficial —cola esceición de dalgunos nomes como ‘Gijón/Xixón’, ‘Ceares/Ciares’ o ‘Jove/Xove’ pola posibilidá billingüe que marca la Llei d’Usu y Promoción del Bable/Asturianu pa los casos que «tenga usu xeneralizáu na forma tradicional y en castellán»— siguen produciéndose incumplimientos nel so usu. La última denuncia pública fecha al respeuto ye l’ausencia de la doble denominación nos caxetinos de les cámares de seguridá de la zona rural, precisamente d’actualidá depués de la comparecencia d’ayeri nel Plenu de Nuria Bravo, conceyala de Seguridá Ciudadana y Emerxencies, a pidimientu del PSOE pol supuestu furrulamientu d’estos dispasositivos ensin llicencia d’instalación nin de grabación hasta avientu.
Iniciativa pol Asturianu comunicó va dos selmanes, y recordó ayeri en redes sociales, que metiera una quexa formal al Rexistru a lo último d’agostu al apaecer «únicamente la toponimia deturpada de ‘Gijón’» na caxa de los dispositivos. Na mesma llamentaba que «se dean estos pasos atrás na visibilización y normalización de la toponimia oficial y de la llingua asturiana» y se solicitaba’l cambiu de la pegadiella «col logotipu del conceyu col nome en billingüe pa dar cumplimientu a la llexislación vixente en materia toponímica», espliquen dende la organización. El 19 de setiembre llegaría la respuesta, na que se tresmite que se treslladaría la quexa al serviciu correspondiente y que la Policía Llocal diera «aviso a la empresa instaladora para que se proceda a su subsanación».
«Seis meses dempués de comprometese a iguar la cartelería, los caxetinos de les cámares de la zona rural caltienen la toponimia deturpada», critica agora’l coleutivu, que considera «preocupante l’escaezu del usu de la toponimia oficial nuna montonera d’actividaes, cartelería y comunicaciones del conceyu xixonés», amás de llamentar «la falta de compromisu colos propios compromisos de la institución». «L’usu de la toponimia oficial nun puede depender del conceyal de turnu o de la naturaleza del actu. L’usu del topónimu oficial de ‘Xixón’ tien que ser tresversal a l’acción de gobiernu y en toles conceyalíes del mesmu», reclama Arantza Margolles, presidenta d’Iniciativa.
En lugar de preocuparse por tonterías podían preocuparse se la sanidad. Tres semanas para cita con el médico y casi cuatro para la trabajadora social del centto de salud que sólo trabaja 2 días a la semana para solicitar una silla de ruedas para mi madre.
Luego te mienten diciendo que los impuestos se usan en sanidad y educación. Mentira, la mayoría se dilapida en pozos sin fondo y chorradas como la lengua inventada.