El diariu miGijón entama esta iniciativa, pensada pa recoyer toes aquelles espresiones, frases y términos populares qu’arriquecen l’idioma dende’l; l’oxetivu ye caltener esa riqueza y ponela a disposición de les xeneraciones futures
¿Na to casa entá se diz “tate quietu”, “nun seyas fartón” o “qué guapín tas hoi/güei”? ¿Recuerdes cómo falaben los tos güelos o esi dichu que solo sentíes nel llar? Hai tou un mundu ocultu detrás d’esa gran bayura d’espresiones n’asturianu que, a lo llargo de los años, se vinieron tresmitiendo de xeneración en xeneración n’Asturies. Y, agora, miGijón propunxóse recoyer pallabres, frases y dichos en llingua asturiana que formen parte de la memoria de los llares xixoneses. Pero, claro, nada d’eso ye posible ensin el sofitu de los llectores… Por eso esti diariu inauguró’l proyeutu ‘Pallabres de Casa: ayúdanos a rescatar les pallabres del to llar’, cola fin de que sirva como una especie de ‘arca de Noé’ pa esa memoria coleutiva. Da igual si siguen vives na fala o si son recuerdos d’otra dómina: toles aportaciones valen.
Participar ye mui fácil. Namás hai qu’entrar na nuesa web www.migijon.com/pallabresdecasa y rellenar el formulariu, o compartir la to pallabra o frase en redes sociales usando la etiqueta #PallabresDeCasa. Cada selmana vamos compartir les espresiones más prestoses nes nueses redes, pa que tola comunidá pueda conoceles y sigan vives. Porque cada pallabra guarda una historia, una voz y un cachu de Xixón. ¡Anímate y manda la to contribución a #PallabresDeCasa!
