El pasacalles charanguero precedió al pregón del Antroxu, dado por dos relojes de pared que discutían sobre cuál de los dos horarios es el mejor, el de invierno o el de verano; la jornada se cerró con el disfraz de Pelayo, con una V69, superior a la obligatoria V16, en la cabeza y referencias al peaje del Huerna y a Villablino
No hubo lluvia ni viento que detuviera el primer pasacalles charanguero de este Antroxu 2026, que amenaza con estar pasado por agua. Con un nuevo recorrido desde el —Paseo de Begoña, calle Covadonga y San Bernardo hasta la Plaza Mayor— las catorce formaciones descargaron nervios en su primera actuación. Los Acoplaos, Folixa pa Toos, Medusamba, La Última y Marchamos, Ye lo que Hay, Perdíos de los Nervios, El Akelarre, Mazcaraos, Los Restallones, Los Gijonudos, Los Tardones, Kop’a Vino, Xaréu nel Ñeru y Os Brasileiros do Xixón lo dieron todo ante un público adornado con paraguas y chubasqueros.
La llegada a la Plaza Mayor fue apoteósica y el estruendo de los tambores acompañó a la Sardina Perlamari en su salida al balcón. Y desde lo más alto, presentó a ‘Horariu de Branu y Horariu d’Iviernu’ (horario de verano y horario de invierno), los pregoneros de esta edición, dos grandes relojes de pared que discutieron si era bueno o no esa hora de diferencia que nos hacen cambiar según sea verano o invierno.
Y entre otras pinceladas desternillantes, hicieron referencia a los 310 millones de presupuesto municipal: «Esti Ayuntamiento tira la casa pela ventana», apostillaron refiriéndose a los proyectos que hay sobre la mesa como Naval Azul, Tabacalera, ampliación del Parque Científico Tecnológico, mejora de colegios públicos, la playa verde de El Rinconín y la estación intermodal.
No podían olvidarse de los récords turísticos ni de los influencer que ya es habitual que nos visiten. Por supuesto también de la «friolera de 39 cruceros que esperamos». «Que vengan como quieran, pero con cuidadín, que dempués los d’equí tenemos que vivir nun trasteru», espetaron. Y así una ‘perla’ tras otra.
La jornada no podía terminar sin la tamborrada charanguera mientras disfrazaban la estatua de Pelayo, que hace un guiño al peaje del Huerna y a la baliza v16 con referencias a Villablino, la lotería y la cecina.
Éste es el pregón competo del Antroxu 2026:
HORARIU DE BRANU:
¡Xixonesas!
HORARIU D’IVIERNU:
¡Xixoneses!
HORARIU DE BRANU:
¡Asturianes!
HORARIU D’IVIERNU:
¡Asturianos!
HORARIU DE BRANU:
¡Antroxeres!
HORARIU D’IVIERNU:
¡Antroxeros!
HORARIU DE BRANU:
¡Charangueres!
HORARIU D’IVIERNU:
¡Charangueros!
LOS DOS:
¡¡¡BONES NUECHES, XIXÓN!!!
HORARIU D‘IVIERNU:
¡Bienllegaos al Antroxu del 2026!
HORARIU DE BRANU:
¿Sabeis qué hora ye? Porque equí esti y yo, nun mos ponemos d’alcuerdu. Él diz que son les 9:00 y yo cuento que son les 8:00. Y non, nun ye que yo sea un rezagáu y esti un espabiláu, ye que yo soy el horariu de branu y esti ye l’horariu d’iviernu.
HORARIU D’IVIERNU:
Y equí tamos los dos con ganes de folixa y preparaos pa recibir al Antroxu. ¿Y vosotros qué? ¿Tais preparaos? ¿Venís con ganes de pasalo bien? ¡¡A ver eses charangues!!
LOS DOS:
¡¡¡ PUXA L’ANTROXU!!!
HORARIU DE BRANU:
Pero enantes d’arrancar col pregón, vamos presentanos como Dios manda.
HORARIU D’IVIERNU:
Porque sabemos que muncha xente nun s’aclara con nosotros, que tracamundien y cu-ando cambiamos de turnu nun saben si a les 2 son les 3 o a les 3 son les 2.
HORARIU DE BRANU:
Yo soi l’horariu del branu, el de la lluz, la alegría y el calorín. Y conmigo los díes son llargos y el sol aguanta hasta la hora cenar….
HORARIU D’IVIERNU:
Yo soi l’horariu d’iviernu. Y soi lo que se diz el rei de les cames. Traigo el relax y les nueches perfectes pa dormir y descansar bien achucadín…
HORARIU DE BRANU:
Yo enlleno les tardes de vida. Conmigo la xente sal más y tien la sensación de que’l día cunde´l doble.
HORARIU D’IVIERNU:
Conmigo amanece enantes y la xente nun va medio zombie pela mañana. Yo soi más natural y saludable.
HORARIU DE BRANU:
Pero conmigo aforren lluz
HORARIU D’IVIERNU:
Y conmigo goyeres y estrés.
HORARIU DE BRANU:
Según cómo nos mires, los dos tenemos ventayes y desventayes, pero cada vez hai más xente que diz qu’esto nuestro yá nun compensa… Asina que cualesquier día, borrennos d’un plumazu.
HORARIU D’IVIERNU:
Normal. La verdá ye que tampoco damos p’aforrar tanto, y cada vez que mos cambién, fastidiámos-y el sueñu a la xente.
HORARIU DE BRANU:
Yá la Unión Europea quiso quitanos d’enmmedio en 2019, pero nun se pusieron d’al-cuerdu. Asina qu’equí seguimos, trabayando a turnos y esperando que decidan a ver con cual de los dos se queden…
HORARIU D’IVIERNU:
¡De toes maneres a la xente de Xixón, lo nuestro va a da-y igual, porque van salir a la cai con una hora menos o con una hora más. ¿Oyísti? ¡¡¡ Porque la folixa nun tien horariu ni fecha nel calendariu!!!
HORARIU DE BRANU:
Asina que vamos dexalo pa prau y vamos a lo qu’importa, que son les coses de Xixón, y la xente de Xixón, porque somos una ciudá pistonuda, de xente coyonuda y siempre pa meyor. ¡Nun damos pasos p’atras nin pa garrar impulsu!
HORARIU D’IVIERNU:
Esti añu l’ayuntamientu vien pegando mui fuerte y esti día aprobó´l mayor presupuestu municipal de la so historia: 310 millones d’euros, pa facer de too: cultura, servicios y proyectos pa la ciudá.
HORARIU DE BRANU:
Naval Azul, Tabacalera, l’ampliación del Parque Científicu Tecnolóxixu, la meyora de los colexios públicos, la «playa verde» del Rinconín, l’entamu de la estación intermodal … ¡La de mio madre!
HORARIU D’IVIERNU:
Bueno, bueno, bueno… ¡Esto ye un non parar! Ta esti ayuntamientu que tira la casa pela ventana.
HORARIU DE BRANU:
¡¡Carmen!! ¡Asómate y tira algo pela ventana, ho! ¡Pero los muebles non, muyer, que tán ehí les charangues! ¡Meyor unes chuches o unos billetinos de cien euros!
HORARIU D’IVIERNU:
¡Sedrá por perres! Mira, va quedanos una ciudad de restallu. A esti pasu vamos garra-y la delantera a Santander, a Coruña y a Donosti. Vamos ser… ¡¡¡L’ayalgona del Cantá-bricu!!!
HORARIU DE BRANU:
Sí, home sí. Y vamos batir tolos records turísticos. Esti añu pasáu tuvimos yá un millón ochocientos mil visitantes.
HORARIO D’ IVIERNU:
¡Y subiendo! Que con tantu influencer poniendo reels del atapecer en San Llorienzo, del cachopu en cámara lenta y del culín echáu a slow motion… va corriéndose la voz y vien xente de tol mundu.
HORARIU DE BRANU:
¡Y lleguen per tierra, mar y aire!
HORARIO D’IVIERNU:
Bueno, per aire igual lleguen menos qu’Iberia escapó d’Asturies.
HORARIU DE BRANU:
Y en tren nun creo que vayan llegar munchos porque los trenes tán fatal coles fuelgues y los retrasos.
HORARIO D’IVIERNU:
Nun pasa nada, lleguen per mar, qu’esti añu esperamos la friolera de 39 cruceros, na más y na menos.
HORARIU DE BRANU:
Si home sí. ¡Que vengan como quieran, pero con cuidadín, eh! O seya, que vengan, que dexen les perres y que marchen. Nada de comprar un pisín en L’Arena o una casina en Llantones. Que dempués los d’equí tenemos que vivir nun trasteru con vistes al conten-edor.
HORARIO D’IVIERNU:
¡Y d’eso nada, monada! Lo qu’hai que facer ye venir, pasalo podre una semanina, fartucase bien, sacar cuatro mil semeyes pa reventar el discu duru y marchar cola maleta a tope de souvenirs.
HORARIU DE BRANU:
Si hom. Lo que yo digo: ¡dexar les perres y marchar! ¡Pero munches perres! eh. ¡Munches munches! ¡Sin racanear! Que cuando se va de vacaciones nun ye pa andar aforrando. ¡Ye pa disfrutar a tolo que da!
HORARIU D’IVIERNU:
¡Y sobre manera de la gastronomía! Qu’equí se disfruta tol añu, con horariu de branu o con horariu d’iviernu. Siempre ye un bon momentu pa fartucar, bueno, quitando los oricios, que tán a 30 euros el kilu na pescadería. Tán pinchando yá más de la cuenta.
HORARIU DE BRANU:
A ver si baxen un poco´l preciu y volvemos a tenelos como antiguamente que los vendíen a cinco duros la palada ehí enfrente la pescadería.
¡¡Carmen!! ¿Acuérdeste? Dibes tú al Colexu Santo Ánxel y seguro que los víes.
HORARIU D’IVIERNU:
Pues claro que s’alcuerda, nun se va a alcordar. Porque la gastronomía de Xixón ye inolvidable. Nun hai mes sin una folixa pa salir a fartar: Xixón de sidres, Xixón bonito, Xixón de callos, Xixón de pinchos…
HORARIU DE BRANU:
Xixón de pinchos gústa-yos muncho a les gaviotes. Sobre manera si los comes nuna terraza. Ataquen talamente como si fueran caces del exércitu americanu.
HORARIU D’IVIERNU:
Esperemos que Trump nun conoza enxamás Xixón. Porque si lo conoz de xuru que s’en-capricha y tamos jodíos.
HORARIU DE BRANU:
Nun me fales de Trump, eh, que esi paisanu ye como los temporales: Ingrid, Joseph, Kristin, Leonardo, Marta, Nieves y TRUMP. ¡¡Arrasa con too!!
HORARIU D’IVIERNU:
Nosotros preferimos a les gaviotes fartones mil veces enantes qu’a Trump, cagon-sumantu!
HORARIU DE BRANU:
Amás en Xixon somos una ciudá pet-friendly y gústennos los animalinos. ¡¡¡Carmen!!! ¡¡¡A ver cuando cierres ya lo de los toros, ho!!! ¡Que nun casa col espiritu xixonés de cuidar y querer a tolos bichos, pero a toos!
HORARIU D’IVIERNU:
Va a ser por eso que tenemos eses gaviotones, y los xabalinos campando per Viesques, y unes rates como coneyos, que de xemes en cuando asomen peles cais principales de la ciudá…
HORARIU DE BRANU:
Y los perros… ¡A miles! Ya casi 40.000 perros tenemos. ¡Ocho veces más perros que guajes!
HORARIU D’IVIERNU:
Si home, sí. Tamos aperrándonos. (ladra) A esti pasu Cabueñes va terminar como hos-pital veterinariu y tol Parque Isabel La católica va ser un pipicán.
HORARIU DE BRANU:
Y el branu qu’entra los perros van poder dir a la playa pela nueche de botellón, ¡quien los verá! ¡Yo casi quería más ser perru qu’horariu!
HORARIU D’IVIERNU:
Y falando de botellón, a ver qué faen al final cola Cuesta’l Cholo, que quieren poner unes grades botelloneres y la xente de Cimavilla ta que trina…
HORARIU DE BRANU:
¡¡¡Carmen!!!! Fai-yos casu a los de Cimavilla, muyer. Mete mano ehí, a ver qué pasa con eso…
HORARIU D’IVIERNU:
Sí, home, sí, qu’a los conceyales hai qu’atalos en corto… ¡Que nun siempre atinen, eh, selo yo…! Que dalgunos meten unes pataes, que ya les podíen meter los delanteros del Sporting.
HORARIU DE BRANU:
A esti pasu namás nos va faltar tener nel ayuntamientu una vocalía perruna, que lladrar a algunos se-yos da bastante bien.
HORARIU D’IVIERNU:
Lladrar y fartar, que como tabemos diciendo enantes, en Xixón nun perdemos bocáu.
HORARIU DE BRANU:
Pues sí, porque nun hai que perder oportunidá de vivir a tope. Esfrutar hasta l’últimu gramu de la felicidá de vivir. Carpe diem. Vivir el momentu, que cualquier día, ensin date ni cuenta, FLUS, abres los güeyos y yá tas con San Pedro, y non col nuestru de Cimavilla, non, col d’allá arribones.
HORARIU D’IVIERNU:
Esto son dos díes. Y si no, que-y lo digan a los asturianos y xixoneses que mos dexaron nestos últimos tiempos.
HORARIU DE BRANU:
JOSÉ LUIS CIENFUEGOS, el meyor programador de cine d’esti país y de parte del es-tranxeru.
HORARIU D’IVIERNU:
XUAN BELLO, la voz d’Asturies. El meyor poeta en llingua asturiana qu’enxamás pu-dirmos pensar.
HORARIU DE BRANU:
PURI CITOULA, una muyer exemplar que nun queremos escaecer, fotoperiodista de ban-dera, que durante 30 años inmortalizó tolo que pasaba en Xixon y nel Antroxu.
HORARIU D’IVIERNU:
Y JORGE EL ILEGAL, un músicu de restallu, un xeniu del ROCK & ROLL, únicu mundial ya irremplazable, y por eso abrimos el pregón con él y la so musica
HORARIU DE BRANU:
Xente que marchó enantes de tiempu, y que yá nun puede esfrutar con nosotros…
HORARIU D’IVIERNU:
A ver si va ser verdá que tan fumigándonos con tantu pesticida, tanta contaminación y tantu experimentu raru….
HORARIU DE BRANU:
!Calla, home, calla…! Que lo único que mos fumiga equí ye’l nordés cuando pega fuerte.
HORARIU D’IVIERNU:
Igual ye eso… Que los meyores siempre marchen primero porque tienen priesa por mon-tar folixa n’otru llau.
HORARIU DE BRANU:
Seguro que sí. Y cuando mos toque llegar… van tener el pregón preparáu y el micrófonu abiertu.
HORARIU D’IVIERNU:
Porque la xente grande nun marcha nunca del too. Queda na memoria.
Y sobre too… queda en Xixón.
HORARIU DE BRANU:
Y falando de fumigar y de contaminación, mira la xente de La Calzada, qu’ehí siguen, día tres día, peleando pa que-yos quiten los camiones de Cuatro Caminos. ¡Que nun quieren ser como Nueva Delhi!
HORARIU D’IVIERNU:
Pues agora con los tuk tuk vamos asemeyannos un poco.
HORARIU DE BRANU:
No, home non, que estos son eléctricos, nun contaminen.
HORARIU D’IVIERNU:
Pero los camiones que pasen pela Calzada sí.
HORARIU DE BRANU:
¡¡¡Carmen!!! ¡A ver si yes quien a sacar d’una vez los camionones de la Calzada, ho, que tienen que tar los barrios limpios, pa poder respirar, pa correr, pa pedalear, pa facer deporte con salú. Pero tolos barrios, eh, toos ensin distinción.
HORARIU D’IVIERNU:
Porque Xixón ye una ciudad deportista como poques nel mundu mundial.
HORARIU DE BRANU:
Y falando de deporte… Preparaivos, porque Xixón va a tener por fin una piscina al aire llibre. Sí, home sí, yá nun vamos tener que dir a Valencia de Don Juan a la piscinona, ¡¡vamos tener piscina remocicada na Llaboral!! ¡Ver pa creer!
HORARIU D’IVIERNU:
Y siguiendo col deporte hai que dicir que’l Sporting ta tirando parriba, que yá tocaba una alegría, que son munchos años con más sustos que goles.
HORARIU DE BRANU:
Pero volviendo al planeta… Llevamos una montonera tiempu avisando de que hai que cuidalu, y el planeta ta agobiáu, ta fartucu de que-y pidamos más y más. Nun puede tar a tolo que da tanto tiempu.
HORARIU D’IVIERNU:
Hai qu’echar el frenu, parar un poco la tecnoloxía, la intelixencia artificial, la conquista de los territorios vírxenes….
HORARIU DE BRANU:
Que como sigamos asina vamos quedar ensin bosques, ensin persones y ensin cerebru. ¡Vamos alloriar!
HORARIU D’IVIERNU:
Y nun podemos perder la esencia humana, el valor de lo artesanal, de la creatividá, de les coses feches con calma, con ciñu…
HORARIU DE BRANU:
Asina qu’e esti Antroxu mirái a ver si apagáis un pocoñín les pantalles. Hai que salir a baillar, a falar cola xente, a esfrutar de la vida y de les rises.
HORARIU D’IVIERNU:
D’eso saben muncho los collacios de les charangues, eh! ¿Sí o non?
HORARIU DE BRANU:
¡Estes charangues que tolos años lo peten nel Xovellanos!
¡¡CARMEN!! ¡Hai que doblar función nel teatru! Como cuando venía Arturo Fernández, que faigan tres pases, ho, pa que la xente de Xixón nun quede ensin velos, que son de lo meyor del Antroxu.
LOS DOS:
¡Puxa les charangues!
HORARIU D’IVIERNU:
¡Y puxa Xixón que ye una fantasía y caldía ta más guapu y más curiosu! Que nun lo hai meyor. Con tola ufierta cultural, les playes, los parques, les zones pa pasiar, pa facer deporte, les folixes, les rutes de los barrios, les fiestes de prau…
HORARIU DE BRANU:
Asina que, ¡ponéi la máscara, el disfraz, la sonrisa y la poca vergoña! Que pa eso ye l’Antroxu, pa reír, pa cantar, pa olvidanos un poco de los problemes y de la vida moderna que nos lleva a tolos llugares menos al que queremos dir.
HORARIU D’IVIERNU:
Y pa entregase al gastroplacer. Que l’Antroxu ye una orxía de colesterol, glucosa, triglicéridos, ácidu úricu… ¡Dios, qué placer! ¡Viva´l gochu, les factures y les llambio-naes, que nun lo hai más rico!
HORARIU DE BRANU:
Y alcordaivos de lo más importante. ¡Buscar la paz y non la guerra! Terminar cola vio-lencia, col racismu, el machismu, la homofobia, la transfobia y la intolerancia…
HORARIU D’IVIERNU:
Porque somos xente de bien, xente prestoso, xente pacífico y honrao. Una ciudá hospi-talaria, que recibe a la xente con humanidá y colos brazos abiertos, non como otros… Y nun mos gusten los políticos corruptos, nin los agresivos, nin los puteros, nin los chori-zos, nin los que van conquistando territorios a les braves…
HORARIU DE BRANU:
Y lo que más mos presta ye la comedia, la risa y la folixa.
¡Esta nueche Xixón ye un escenariu y vosotros sois los protagonistes!
HORARIU D’IVIERNU:
¡Que viva la cultura, la folixa, la paz y la bona vida!
LOS DOS
¡Queda inauguráu esti Antroxu 2026!
HORARIU DE BRANU:
¡Puxa Xixón!
HORARIU D’IVIERNU:
¡Puxan les Charangues!
HORARIU DE BRANU:
¡Puxa Asturies!
LOS DOS:
¡Puxa l’Antroxu!
