La organización anunció que nos meses próximos va desvelar más detalles sobre les persones convidaes y les actividaes especiales
La esperada convención d’ociu mozu y alternativu, CometCon, va celebrar la so decimotercer edición en Xixón del 5 al 7 de setiembre de 2025. L’eventu va tener llugar nel Recintu Ferial Luis Adaro, consolidándose como una cita imprescindible pa les persones aficionaes a la cultura pop nel norte d’España.
Per tres díes, los asistentes van poder disfrutar d’una gran bayura d’actividaes que van dende ciencia ficción, cómic, lliteratura, música, cosplay, videoxuegos, xuegos de mesa y rol, hasta baille, artesanía, coleicionismu, cine y televisión. L’eventu va cuntar con zones temátiques como’l Pabellón Central, que va acoyer el Market, l’Artist Alley, Food Trucks y la zona Star Wars; el Pabellón PCBox-Unicaja, dedicáu a e-sports y zona gamer free play con más de 40 ordenadores; y el Pabellón Gamer, con simuladores, realidá virtual, zona maker y espaciu IndieDevPlay.
Les entraes yá tán disponibles pa la so compra en llinia, con precios que van dende los 7,50 € per día, y un abonu de 3 díes por 24,50 € que permite reingresos y accesu prioritariu. Los menores de 5 años acompañaos d’un adultu van poder entrar de baldre.
La organización anunció que nos meses próximos va desvelar más detalles sobre les persones convidaes y les actividaes especiales d’esta edición, prometiendo sorpreses y novedaes pa tola xente asistente.
Pa más información y compra d’entraes, pue visitase la páxina oficial del eventu: https://cometcon.org/25/
