Dirixida a compañíes profesionales asturianes, ufre hasta seis estancies de 21 díes en sales d’ensayu y de 3 nel escenariu del teatru con ayudes económiques d’ente 1.000 y 4.000 euros por proyeutu pal desenvolvimientu d’obres nueves
El Programa de Residencies del Centru de Recursos Escénicos del Principáu d’Asturies de la Llaboral llanza una convocatoria nueva, la correspondiente al primer semestre del añu. Hasta les 14 hores del xueves 3 d’avientu les compañíes profesionales asturianes pueden presentar proyeutos p’algamar una de les seis estancies que s’ufierten p’apoyar el procesu de desenvolvimientu de proyeutos escénicos, ayudando con recursos materiales y humanos del Teatru de la Llaboral a la conceición, creación y puesta n’escena de la obra.
Los que consigan mayor puntuación de la Comisión de Valoración, formada por profesionales del sector cultural, en base a dellos criterios desenvueltos nes bases de la convocatoria, van disponer d’una sala d’ensayu per 21 díes y de les instalaciones del teatru per 3. Amás, van contar con una ayuda económica d’ente 1.000 y 4.000 euros y el sofitu del responsable téunicu del equipu de la instalación xixonesa pa dar soporte y cobertura, con un máximu de 110 hores. Tamién van tener personal auxiliar pa cargar, descargar y mover escenografíes o materiales per un tope de 30 hores.
MásNoticias
Les Residencies de la Llaboral nacieron en xineru del 2015 y llancen dos convocatories al añu, polo que yá se fixeron un total de 24. Pue consultar les bases de l’actual darréu:
