La Comisión de Valoración va dar a conocer el día 27 la llista d’hasta 10 seleicionaos ente toles propuestes recibíes, dalgunes procedentes d’Alemaña, Portugal, Francia, Arxentina, México, Chile o Uruguai, pa poder desendolcales nel inmueble de Contrueces per un tiempu d’hasta 5 meses
El plazu pa la presentación de proyeutos artísticos, d’investigación o mediación al programa ‘El Palacio. Residencies Artístiques y Aición Cultural 2026-2027’ qu’entama la Fundación Municipal de Cultura, Educación y Universidá Popular finó’l sábadu con un cifra récor de propuestes. Si na primer convocatoria, la 2024-2025, recibiéronse 156 proyectos y na segunda, la 2025-2026, un total de 142, na actual, la 2026-2027 dóblense estes cifres pa llegar a los 306.
D’ellos, hasta 10 van ser los que van poder desendolcase nuna estancia nel Palaciu de San Andrés, en Contrueces, con una duración d’ente mes y mediu y cinco meses, según afiten les bases, espublizaes n’asturianu, castellanu, inglés y francés. Van encargase de facer la escoyeta, que se va dar a conocer el día 27 Aitor Martínez Valdajos, director de la Fundación; Semíramis González, direutora de LLABoral Centru d’Arte y Creación Industrial; Ane Rodríguez Armendáriz, de la Fundación Daniel y Nina Caraso y responsable del programa ‘Arte por Venir’; Pablo Molero, profesor de Didáutica d’Espresión Corporal y Danza de la Universidad de Extremadura y direutor del Festival DZM; Jimena Rodríguez Fernández, direutora de Programes de la Fundación; y Camino Balbín, téunica de Programes de la mesma. El 30 % de los seleicionaos han ser de creadores con raigón n’Asturies.
![1x1 pixel counter : <img decoding="async" src="https://track.adform.net/adfserve/?bn=89541117;1x1inv=1;srctype=3;gdpr=${GDPR};gdpr_consent=${GDPR_CONSENT_50};ord=[timestamp]" border="0" width="1" height="1"/>](https://migijon.com/wp-content/uploads/2026/08/download-1.gif)
![1x1 pixel counter : <img decoding="async" src="https://track.adform.net/adfserve/?bn=89541117;1x1inv=1;srctype=3;gdpr=${GDPR};gdpr_consent=${GDPR_CONSENT_50};ord=[timestamp]" border="0" width="1" height="1"/>](https://migijon.com/wp-content/uploads/2026/08/download-2.gif)
Les propuestes tienen orixe en puntos de tol Estáu, pero tamién de países como Alemaña, Portugal, Francia, Arxentina, México, Chile o Uruguai, lo que confirma la repercusión internacional d’un programa de residencies artístiques que se consolida na so tercer convocatoria, como amuesa’l fechu de que la cantidá de proyeutos presentaos doblen les cifres de les dos anteriores. Les estancies, nun espaciu de trabayu compartíu, van tener llugar ente setiembre y xunu, con entamu en setiembre y xineru, y la dotación económica que van recibir los artistes ye de 3.500 euros pa la producción de la idea y de 750 mensuales como honorarios.
