Les places d’abastos y los mercaos selmanales combinen actividá económica y vida social
En payares del 2025, el Gobiernu d’Asturies anunció dos rutes d’autocar dende Trevías y Bustu hasta’l mercáu selmanal de Ḷḷuarca, con salíes los miércoles pela mañana. L’actuación amuesa cómo la conexón colos pueblos condiciona l’accesu a los mercaos tradicionales.
Éstoss son puntos d’alcuentru ente productores, comerciantes y consumidores. La so importancia va más allá de la compra: permiten mantener rellaciones sociales y conservar costumes locales. Amás, los puestos d’alimentación ufierten productos frescos y, en munchos casos, una conexón ente’l productor y el veceru, pero les grandes superficies, la venta electrónica y los nuevos horarios llaborales modificaron les rutines de compra.
La renovación de les instalaciones, la diversificación de la ufierta y les ferramientes dixitales pueden facilitar l’adaptación. L’accesibilidá ye importante pa les persones mayores y pa los quee tienen dificultaes de movilidá.
Nel mediu rural, los mercaos selmanales permiten facer compres y rellacionase con vecinos d’otres localidades. La continuidá de los puestos depende de la viabilidá económica y de la incorporación de nuevos profesionales. Conservar los mercaos significa modernizalos ensin perder la so función social.
