Los asturianos al otru llau de la mar van ser recordaos un añu más por xixoneses y visitantes esti sábadu, Día de Begoña, col emocionante baille en comuña nel paséu d’El Muro y na sablera; darréu va tener llugar el Restallón, que pon el ramu a les fiestes
Hores depués de que decenes de miles de persones tomaran El Muro pa disfrutar de la Nueche de los Fuegos, xixoneses y visitantes van tornar al llugar pa vivir ún de los momentos más emocionantes de la Selmana Grande: la Danza Prima. A les 14 hores, conocíos y desconocíos van enganchase pel moñín pa entamar un baille cara al mar pa recordar a los munchos asturianos que partieron a otros llugares a ganase la vida.
L’himnu oficial d’Asturies y l’oficiosu de Xixón, el ‘Gijón del Alma’, sonarán darréu del homenaxe a la emigración, pa depués dar pasu al Restallón, decenas de kilos de pólvora en pocos minutos pa poner un sonoru final a les fiestes de la ciudá. Sicasí, l’actividá va siguir, con actuaciones como la de la orquesta Velvet (20 horas) y de DJ Nano (23 horas) en Poniente.
![1x1 pixel counter : <img decoding="async" src="https://track.adform.net/adfserve/?bn=89541117;1x1inv=1;srctype=3;gdpr=${GDPR};gdpr_consent=${GDPR_CONSENT_50};ord=[timestamp]" border="0" width="1" height="1"/>](https://migijon.com/wp-content/uploads/2026/08/download-1.gif)
![1x1 pixel counter : <img decoding="async" src="https://track.adform.net/adfserve/?bn=89541117;1x1inv=1;srctype=3;gdpr=${GDPR};gdpr_consent=${GDPR_CONSENT_50};ord=[timestamp]" border="0" width="1" height="1"/>](https://migijon.com/wp-content/uploads/2026/08/download-2.gif)
