El campu de fútbol acueye la Romería de Ciares qu’entama Esto Ye Ciares, con rock el vienres y tradición y folk el sábadu, y el parque la folixa que recupera, llueu d’un añu de parón, l’asociación La Cruz, con orquestes, atracciones y actividaes hasta’l llunes; Granda celebra Santana estos díes cola Nueche Celta nel horizonte
Ciares y Granda tán de fiesta. L’agora barriu de la ciudá celebra Santiago y la parroquia, Santana, dos festexos qu’atraen a xente de dientro y fuera del conceyu gracies a una ufierta variada con alternatives pa tolos públicos y una fuerte presencia de la tradición. De fechu, la Romería de Ciares qu’entama Esto Ye Ciares en La Cruz y la Romería de Granda inclúinse nes fiestes integraes na Federación Vive lo que Sentimos que, trabayaes polos propios vecinos, busquen caltener esti tipu de celebraciones enraigonaes a lo asturiano.
Romería de Ciares
El rock ocupa’l primer día de les fiestes qu’organiza Esto ye Ciares nel campu de fútbol La Cruz. A les 17.30 hores va abrir la fiesta Señor Rosa, pa siguir coles versiones de (19.30). Los lleoneses Catalina Grande Piñón Pequeño, gran atractivu de la xornada, van tocar a les 21.30 hores, pa pesllar a les 23.30 hores con AB/CD, banda tributu a los australianos AC/DC. Sicasí, la fiesta va allargase hasta les 4 hores na barraca.
![1x1 pixel counter : <img decoding="async" src="https://track.adform.net/adfserve/?bn=89541117;1x1inv=1;srctype=3;gdpr=${GDPR};gdpr_consent=${GDPR_CONSENT_50};ord=[timestamp]" border="0" width="1" height="1"/>](https://migijon.com/wp-content/uploads/2026/08/download-1.gif)
![1x1 pixel counter : <img decoding="async" src="https://track.adform.net/adfserve/?bn=89541117;1x1inv=1;srctype=3;gdpr=${GDPR};gdpr_consent=${GDPR_CONSENT_50};ord=[timestamp]" border="0" width="1" height="1"/>](https://migijon.com/wp-content/uploads/2026/08/download-2.gif)
La romería tradicional va tener llugar mañana, con entamu a les12.30 hores cola actuación de Pandereteres de Ciares. L’actor y dramaturgu Maxi Rodríguez va lleer el pregón de les fiestes a les 13 hores y darréu va entregase’l Premiu Teyera Exemplar a Ian’s School, academia d’inglés del barriu. La ‘jira’ va arrancar a les 14 hores cola entrega del bollu, que los mayores va disfrutar nes meses instalaes y los más mozos en prau, xinta popular na que va haber presencia d’un ‘pulpeiro’ y la música de Rollu Folk. La puya’l ramu ta prevista a les 16 hores y va haber xuegos africanos dende les 17.30 hores.
Les actuaciones musicales d’esta xornada van corresponder a Víctor de Cimadevilla (16.30 hores), los gallegos Kornucopia (19.30), Guieldu (21.30) y La Tarrancha (23.30). Dende les 2, hasta fin de fiesta, va haber pinchada de rock de los 80.
‘Fiestas de Santiago Apostol’
L’Asociación de Vecinos La Cruz, depués d’un añu de parón, retoma les fiestes de Santiago en Los Pericones. Éstes van arrancar a les 17 hores cola apertura de la carpa y les atracciones, y actuación de l’Agrupación Folklórica Les Andarines a les 19 hores. Alberto Busto, presidente de l’Asociación DAVIDA, va lleer el pregón a les 19.30, mentes que la primer verbena va principiar a les 21 hores con Grupo Norte y DJ Pacheco, con final previstu pa la 1.30.
Mañana va haber alborada a les 10.30 hores pa llamar a la ufrienda a los difuntos (11.30 hores), la misa solemne (12) y la procesión, pa depués dar pasu a la xinta vecinal col arroz como protagonista a les 13 hores nel prau de la fiesta mientres suena Nueva Onda. Pela tarde va haber una amuesa de ‘agility’ con Xanastur (16), xuegos infantiles (18), chicolatada con churros pa la reciella (19) y exhibición de boxéu a cargo del ximnasiu Sanpar Box (19.30), pa siguir con una verbena dende les 21.30 y hasta les 3.30 con Grupo Caramelo y DJ Javi.
Un pasucais tradicional pel barriu, cola participón de Les Andarines, va abrir l’actividá del domingu a les 11.30 hores, y a les 13 va principiar la sesión vermú na carpa, onde va celebrase una corderada dende les 15 hores. Ángel Rodríguez va actuar a les 17 y a les 20 hores va haber una amuesa de ‘bailoterapia’. Mina Longo y su Mariachi va ser el gran actractivu a les 22 hores nuna xornada que va finar a les 23.30 hores.
El Día del Sociu va tener llugar el llunes, cola ‘jira’ dende les 17 hores en Los Pericones. Una fiesta de la espluma (18 hores), un concursu de tortielles (19), un taller d’echar sidra puestu polos profesionales de La Montera Picona de Ramón (20) y la actuación del Grupo Da Silva (21) van ser los alicientes d’una xornada que va pesllar a la medianueche y na que va haber sangría de sidra dende les 23 hasta fin d’esistencies.
Romería de Granda
Les Fiestes de Santana entamaron el martes, pero güei viven la primera de les sos dos verbenes. Va ser dende les 21 hores, amenizada por Vas Bailar mientres na carpa de La Carbayera los vecinos y visitantes van disfrutar de la sardinada y los tortos con picadiellu. Mañana va ser el turnu del corderu dende les 14 horesnuna xornada con tardéu. A les 17 hores va celebrase la V Competición de Balón Prisioneru y, a les 19, el taller infantil de repostería ‘Grandachef’. La música van ponela, dende les 20.30 hores, Grupo Límite y Vas Bailar.
El domingu va tener llugar la romería, con una alborada pa llamar llamar a la fiesta a les 8 hores. La misa va celebrase a les 11, pa siguir colaprocesión y la puya’l ramu. El Mercadín Asturianu va abrir al meudía en La Carbayera, onde los vecinos van axuntase nesta guapa tradición que va allargase cola XXVII Nueche Celta. Dende les 21 hores van actuar nel escenariu Herbamora, que va presentar n’esclusiva en Granda’l so videoclip ‘Eclipse total’, Abéu y los gallegos Mediarea. Enantes, a les 19 hores, va ponese un taller de pandereta y baille tradicional
Pa finar les fiestes, el Llunes de Santanín va dicise misa polos difuntos al meudía y, de tarde, va entregase’l bollu y la botella de vinu a los socios de 19.30 a les 21 hores. La competición de tiru cuerda, a les 20, ente solteros y casaos, y una cena de xermandía con cantares de chigre van servir de despidida a la celebración d’esti añu.
